Reconfirmación

Unha das características do celta é a reconfirmación. O que afirmamos parece que ten que ser confirmado polo interlocutor, ademais volvendo a repetir parte da frase, o noso ¿nonsí?

Sobre o dialecto do Ulster a wikipedia conta que : A práctica parece ser que cha(n) se utiliza sobre todo ao responder a unha afirmación, tanto para confirmar unha afirmación negativa (Níl aon mhaith ann - Chan fhuil, leoga = "Non é bon" - "Seguro que non o é") como para refutar unha afirmativa (Tá sé go maith - Chan fhuil! = "É bon" - "Non, non o é!"), mentres que ní se prefire para contestar a unha pregunta (An bhfuil aon mhaith ann? - Níl = "É bon?" - "Non").

Pero que diriamos dunha palabra que explica exactamente o seu significado?

Pois que abunda en celta galego e castelán. Por exemplo, patacón e pataca (moeda) é celta. O dicionario da RAE afirma que ven do italiano, o cal non explica que o seu uso máis extendido sexa no oeste da península ibérica.  O dicionario da RAG non explica a súa orixe. En épocas medievais foron nome de moedas de Castela, Galicia, Portugal e León.

O Dirae di que patacón.

De pataca¹.

1. m. Antigua moneda de plata de una onza.

2. m. Moneda de cobre que valía dos cuartos.

3. m. Moneda que valía diez céntimos.

Cousa que obvia a wikipedia española e fai a palabra de orixe árabe e inexistente en España... Desde logo en Galicia e Portugal úsase bastante e en Portugal deixou unha morea de moedas, existentes en Timor, Macao, Brasil e no mesmo Portugal.

Modernamente, estivo a piques de converterse no nome da moeda da Arxentina. Por pouco.

Pero cal é a reconfirmación? A moeda podería chamarse de calquera modo arbitrario, mesmo dun rei, dun deus ou duha deusa, etc.. pero que diriamos se se chamase a moeda coa que se pagan os salarios?

Seguindo coas moedas, que dicir da ferrolana mota? Mota, en ferrolano, alude a moeda de menor valor das existentes. E se a traducimos por algo teño? Pois que estariamos reconfirmando o seu uso e o seu significado, con retranca, pois o celta galego está cheo de retranca.